Kal raat ajab itefaaq hua

      No Comments on Kal raat ajab itefaaq hua

Kal raat ajab itefaaq hua,
Mujhe khwab mein tera dedaar hua.

Dheere se main tere paas hua,
Magar phir khwab ka ehsaas hua.

Main ne socha ke tera naam loon,
Phir chaha ke badh ke thaam loon.

Haseen honton se tera jaam loon,
Main hijar mein wisaal ka kaam loon.

Magar bhool gaya yeh to khwab tha,
Main khwab mein kitna be hijaab tha.

Magar baat na thi sirf hijaab ki,
Mera pyar bhi to be hisaab tha.

Khuli aankh to khwab nilaam hua,
Mera din bhi jaise shaam hua.

Mere pyar ka kissa tamaam hua,
Youn mere khwab ka ikhtitaam hua.

Leave a Reply

Your email address will not be published. Required fields are marked *